Mirësevini, vizitor! [ Regjistrohuni | Kyqunirss

Vërshojnë kosovarët drejt plazheve të Shqipërisë

| Kosovë, Shqipëri, Turizëm | 13 August 2011

Shqipëria ka patur gjate 24 orëve të fundit një fluks hyrje daljesh në pikat e kalimit kufitar prej 109 073 shtetas, nga të cilët 67 299 prej tyre kanë hyrë në territorin shqiptar dhe 41 774 kanë dalë. Ajo që bie në sy nga të dhënat zyrtare të Ministrisë së Brendshme është numri i të huajve që hyjnë në vend, 41 774. Pika e kalimit kufitar që ka patur më shumë hyrje dalje është ajo e Morines, prej 20 178 shtetas që tregon edhe për një fluks të madh të turistëve kosovarë që vijnë në Shqipëri, transmeton TCH. Pas Morinit kanë qenë pikat e kalimit kufitar të Kapshtices apo Kakavijes që kanë patur lëvizjet me shumta. Shtetasit shqiptare qe kane udhetuar jashte vendit vetem gjate dites se diel 7 gusht 2011, eshtë 13 714, e cila eshte nje shifer teper e larte, duke mare te mireqene se pjesa me e madhe e tyre kane qellim turistik. E diela që sapo ka kaluar ka qenë një prej ditëve rekord përsa i përket përpunimit të dokumentacioneve si për turistët edhe për automjetetet gjatë gjithë sezonit veror në Shqipëri./ kosova sot

1,531 shikime gjithsej, 1 shikime sot

Turizmi në Kosovë

| Kosovë | 11 June 2011

Me turizëm nënkuptojmë lëvizjen e njerëzëve me qëllim rekreacioni , argëtimi, shërimi dhe zgjerimi të njohurive kulturore. Edhe pse Kosova është hapësirë e vogël gjeografike, me motivet natyrore dhe njerëzore që ka , ofron mundësi të mira për zhvillimin e disa llojeve të turizmit vendës, rajonal, ndërkombëtar, stacionar dhe transit. Kosova ka vende turistike që mund të shfrytëzohen nga populsia e vet për ekskursione, për sport, rekreacion, pushim, kulturë, për arsim e edukim. Mirëpo, ky lloj turizmi nuk ka qenë dhe ende ka mbetur i pazhvilluar sa duhet.

Deri në vitet e shtëdhjeta në mungesë të rrugëve të mira , në Kosovë kishte pak lëvizje turistike edhe pse Kosova ka pozitë të mirë gjeografike. Pas viteve të shtatëdhjeta me ndërtimin dhe modernizimin e rrjetit rrugor automobilistik dhe përmirsimin e gjendjes ekonomike , fillojnë lëvizjet turistike te shtohen.

Qarkullimet turistike lokale, individuale, familjare e grupore me qëllim pushimi e rekreacioni bëhen sidomos gjatë verës për t’u freskuar pran baseneve, lumenjëve, liqeneve, ose gjatë stinës së dimrit në qendrat e skijimit (Brezovicë e Rugovë) e gjetkë. Në periudhën pas luftës në Kosovë është ndërtuar numër i madh i pishinave, të cilat tërheqin numër të madh të klientelës së re turistike.

1,214 shikime gjithsej, 1 shikime sot

Bjeshkët e Rugovës

| Kosovë | 11 June 2011

Rugova është një trevë malore mbrenda vargmalit të Alpeve, që përputhet me pellgun e lumit të Pejës dhe shtrihet në mes maleve Hajla, Shtedim, Lumbardh dhe Kopranik.

Rugova ka shtrirje duke filluar në jug nga Kisha e Pejës, Bjeshka e Milishevës, Lumbardhi 2335 m dhe me Gurin e Kuq 2522m, duke rënë paksa në nivel takon gurët e Demë Husit, pastaj ngrihet deri në Lugun e Shkodrës 2341m për të vazhduar në Bjeshkën e Malsorit 1220 m,lëshohet në Grykën e Bjelluhës dhe ngjitet në aksin perendimornë majen e Licit(Kuqishtë),fshati Haxhaj vazhdon e ngritet Livadhet e Bukura, duke krijuar kufirin më verior të regjionit nga Qafa e Dasmorëve(Bogë) Livadhi i Gjakut ,Livadhi i Turkut(Koshutan),Gropat e Hysen Ibres’ dhe arrinë pikën më të lartë në veri të regjionit Maja e Hajles 2400 m.

Kufizimi natyror nga Hajla ne Shtedim dhe ngrihet në Majen e Zezë. Ne anën veri-lindore ndodhet Maja e Rusolis që zbret deri në rrugën Pejë-Kullë, vazhdon në lindje me kanionin e Shushicës deri në Lipë , ngrihet në Majen e Hasanit 1871 m, Qafa e Qyqes, dhe zbret përmes Peklenës tek Kisha e Pejës, duke përfshir edhe vetë kishën.

Është me rëndësi të theksohet se ky kufizim është bërë nga njeriu që ka përdorur barriera natyrore ,duke rrudhur sipërfaqen në atë që është sot 20.330 ha, por se regjioni i Rugovës vazhdon shtrirjen deri në Qafë të Qakorit, duke u kthyer në kalanë e Stakajve , Malësia e Rugovës (fshatrat Husaj, Dacaj, Bukël, Peshkaj e Buxhov) duke zbritur në qytezën e Rozhajës.

1,613 shikime gjithsej, 1 shikime sot

Bjeshkët e Shalës së Bajgorës

| Kosovë | 11 June 2011

Edhe Bjeshkët e Shalës së Bajgorës janë mjaft të pasura me shtigje ideale për skijim në borë dhe mbi bar. Sipas ekspertëve ndërkombëtar J. Iten dhe M. Rey, analizuan dhe vërtetuan se nga 25 masive malore të ish-Jugosllavisë shuma e denivilacionit të shtigjeve të skijimit arrin 365.462 metra, prej të cilave 105.950 metra ose 28,98 % gjinden në Bjeshket e Alpeve Shqiptare (Bjeshkët e Nemura) dhe 103.770 metra ose 28,38 % gjinden në Bjeshkët e Sharrit, ndërsa 155.922 metra ose 42,64 % gjinden në të gjitha masivet malore të ish-Jugosllavise.

Prandaj, Bjeshket e Alpeve Shqiptare dhe të Sharrit, kanë shtigje cilësore për skijim, të garave ndërkombëtare që gjatësia e këtyre shtigjeve mund të arrij deri në 5000 metra.

1,201 shikime gjithsej, 2 shikime sot

Bjeshkët e Sharrit

| Kosovë | 11 June 2011

Në Bjeshkët e Sharrit, ekzistojnë këto rajone të shijimit : Brezovica, Livadhet Mbretërore, Skarpa, Radesha, Restelica, Lybeteni, Piribegu, Maja e zezë, etj, që përfshijnë lartësinë mbidetare deri në 2522 metra.

Qendra skitare në Brezovicë, është qendra kryesore e shijimit në Kosovë dhe ka 9 shtigje skitare me 9 skilifte dhe teleferikë, me hotele të kategorive të larta për vendosjen e një numri të madh pjesëmarrësish për gara të ndryshme të Kosovës dhe ndërkombëtare.

1,234 shikime gjithsej, 1 shikime sot

Bjeshkët e Alpeve shqiptare (Bjeshkët e Nemura)

| Kosovë | 11 June 2011

Rajoni i Rugovës i ka shtigjet më cilësore për skijim. Natën këtu u organizuan edhe garat e para të Kosovës që janë me rendësi të madhe për këtë sport.

Qendrat më të njohura të Alpeve Shqiptare janë : Bogët, Hajla, Rusolia, Shtedimi, Bjeshkët e Strellcit, Koprivniku, Bjeshkët e Lumbardhit, Rrasa e Zogut, Gjeravica, Maja e Rupes, Neqinati, etj., që përfshijnë lartësinë mbidetare deri në 2656 metra.

Qendra Skitare në Bogë Këtu lindi skitaria e Kosovës, tani në këtë Qendër është i montuar një skilift me gjatësi deri në 1000 metra dhe ka objekte të ngritura për vendosjen dhe organizimin e garave të ndryshme të Kosovës dhe ndërkombëtare.

1,125 shikime gjithsej, 1 shikime sot

Brezovica

| Kosovë | 11 June 2011

Ski-Qendra “Brezovica” e cila gjendet në malet e Sharrit e që është 12 kilometra larg fshatit me po te njejtin emër në komunën e Shtërpcës, është edhe një ndër margaritarët e Kosovës për turizëm

Ski-Qendra “Brezovica” ka teritorin prej 2500 hektarë në lartësinë mbidetare prej 1718 – 2522 metra. Gjatësia e shtigjeve të regulluara për skijim në Brezovicë janë rreth 40 kilometra, kurse disa nga shtigjet janë të gjata 3,5-5,0 kilometra. Lakueshmëria mesatare e shtigjeve është rreth 38% dhe prej kësaj statistike shihet se qfarë margaritari të turizmit ka Kosova.

Stacioni i nisjes i teleferikut më të ri (numër 9) është në “Livadhin e Madh” në lartësi mbidetare prej 1718 metra. Stacioni i daljes nga ky teleferik është në 2212 lartësi mbidetare. Dikun në rreth 1800 metra lartësi mbidetare gjindet edhe stacioni i mesëm i këtij teleferiku, i cili stacion është i domosdoshëm për kohën e prillit kur ka më pak borë dhe nuk mund të zhvillohet skijimi prej stacionit më të lartë të këtij telerefiku.

Hotelet në Brezovicë

NARCIS – Hotel i kategorisë së parë dhe gjendet në fshatin Brezovica në 900 metra lartësi mbidetare. është larg shtigjeve të skijimit 9 kilometra ose 20 minuta vozitje me ski-bus. Garderoba për ski është e siguruar në hotelin Molika. Telefoni i hotelit është: 0290-70-3333 ose 0290-70-913

MOLIKA – është hotel i kategorisë “B”. Gjindet pranë shtigjeve të skijimit, afër teleferikut të poshtëm në 1750 metra lartësi mbidetare. Në hotel janë edhe ski-serisi për riparimin e skijave dhe garderoba e skijave e poashtu edhe garderoba e skijave të mysafirëve nga hoteli NARCIS. Telefoni i këtij hoteli është: 0290-70-310 dhe 0290-70-452

Ja vizitorë të nderuar të Albanian.biz në fund të këtij prezentimi të Ski-Qendrës “Brezovica” po ua dhurojmë edhe një fotografi të maleve të Sharrit ku edhe gjindet “Brezovica” ky margaritar i turizmit të Kosovës.

2,480 shikime gjithsej, 1 shikime sot

Banja e Burimit

| Kosovë | 11 June 2011


BANJA E BURIMIT (Istogut)

Pozita, klima, lidhja e komunikacionit
Kjo banjë gjendet ne anën përëndimore të Dukagjinit e rethuar me lumenjtë “Drini i Bardhë” dhe lumin e Burimit (Istogut) në lartësinë mbidetare prej 535 metrash dhe renditet në vendet shëruese klimatike me një klimë të matur kontinentale. Dimri këtu është i shkurtër dhe i butë kurse vera është e gjatë, e nxehtë me një perqindje të vogël të të reshurave, fryen era veripërëndimore e cila tregohet si shumë freskuese dhe e bën këtë pjesë të Kosovës shumë të këndshme për pushim.

Faktorët bamirës natyral
Për shërueshmërinë e kësaj Banje e kan ditur edhe Ilirët për të cilët dihet se kanë qenë në këtë pjesë sepse shihen në gërmadhat qe i kanë bërë arkeologët kosovarë dhe kanë gjetur banjo të ndryshme të punuara nga Ilirët dhe gypa të ndryshëm për rjedhjen e ujit në banjot e Ilirve. Në burimin kryesor të Banjës mund të shihet edhe bazeni i gurit të cilin e kan përdorur Ilirët e vjetër. Uji termomineral është ne rend të ujrave hipertermale, tokë-alkale. Temperatura e ujit është 49 gradë kurse kapaciteti i burimit të ujit është 17.5 litra në sekondë, ose 1.5 milion litra në ditë.

Indikacionet mjkësore
Të gjitha sëmundjet reumatike. Sëmundjet neurologjike të paralizës. Sëmundjet traumatologjike. Sëmundjet kardiovaskulare. Sëmundjet e lëkurës. Sëmundjet gjinekologjike, etj.

Mënyra e mjekimit
Enti i këtushëm ofron kushtet optimale shërim dhe rehabilitim të sëmundjeve që i përmendem më lartë. Shërimet i udhëheqin ekipi i mjekëve të njohur në fushat e ndryshme të speciallistikës, dhe një numër i madh i personal të lartë dhe të mesëm mjeksorë (fizioterapetutë, terapeutët punues, motrave mjeksore, etj) Përveq kësaj në këtë kompleks të Banjës Së Burimit (Istogut) është edhe apararatura me moderne për diagnostikë funksionale (EKG, RTG, Laboratori për biokimi, analizë të gjakut dhe të urinës, EMG kabineti, ergonomia telemtria dhe reografija e kompjuterizuar)

Vendosja

Enti posedon me 660 shtretër, hotel i kategorisë “B” me 370 shtretër (me dhoma me një shtrat dhe me dy shtretër) dhe me nëntë apartamente. Të gjitha dhomat e kanë banjon mbrenda, ujin e ftoftë dhe të nxehtë, dhe nxemje qendrore. Poashtu stacionari “Onix” posedon me bazen gjysëm-olimpik, tush-masazhë, sallën për ping-pong, sallonin për bilardo, vendet për qëndrim të këndshëm, barin për apiritiv, sallonin për TV, sallonin për kshillime të ndryshme, sallonin për bankete, sallën e filmit, sallën për kongrese, terasën verore, etj. Hoteli ka dy sallone ondulimi FREE Shop dhe centralën telefonike.

Informatat
Enti për Rehabilitim të Specializuar, Burim (Istog):
Tel: 039-66-080
Tel: 039-66-085

2,066 shikime gjithsej, 1 shikime sot

Banja e Kllokotit

| Kosovë | 10 June 2011

Pozita, klima, lidhja e komunikacionit

Banja e Kllokotit gjendet në komunën e Vitisë, 15 kilometra në jugpërëndim të Gjilanit kurse 53 kilometra larg Prishtinës, në rrugën magjistrale Gjilan – Ferizaj. Banja e Kllokotit me Prishtinë dhe Gjilan është e lidhur me linja të rregullta me autobus.

Faktorët bamirës natyral
Banja ka disa burime të ujit termomineral të temperaturës prej 16 deri 32 gradë.

Indikacionet mjkësore
Sëmundjet reumatike, sëmundjet e sistemit nervor, sëmundjet e lëkurës dhe të zorrëve të barkut, sëmundjet kardiovaskulare,gjendjet postreumatike.

Mënyra e mjekimit
Uji mineral përdoret për pije dhe për larje në bazene dhe në kadat e Entit për mjekim dhe rehabilitim. Po i njejti ujë paketohet në shishe dhe plasohet edhe ne treg për shitje. Përveq hidroterapisë, në Ent aplikohen edhe disa teknika të ndryshme të terapive me të cilat kur aplikohen te pacientët këto barna natyrore arrijnë suksesin që të mjekojnë me sukses sëmundjet e ndryshme.

Vendosja
Vizitorëve janë në dispozicion:
- Enti për shërim dhe rehabilitim “Banja e Kllokot”, kategoria “B” me 250 shtretër
- Vendosje private

Informatat
- Enti për shërim dhe rehabilitim “Banja e Kllokotit” Tel/fax: 0280-85-355 dhe 85-021

2,729 shikime gjithsej, 1 shikime sot