Mirësevini, vizitor! [ Regjistrohuni | Kyqunirss

Ekonomia gjermane pëson stanjacion në tremujorin e dytë

| Botë, Ekonomi | 18 August 2011

Kancelarja Angela Merkel është shprehur plot besim për një rritje të mëtejshme të ekonomisë në Gjermani pavarësisht ngadalësimit të vrullit të saj në tremujorin e dytë të këtij viti. Luhatjet e tremujorit nuk duhen mbivlerësuar, tha Merkel në Paris. Më parë Zyra Federale e Statistikave në Wiesbaden kishte bërë të ditur se produkti i brendshëm bruto midis prillit dhe qershorit ishte rritur në krahasim me tremujorin e parë vetëm me 0,1 përqind. Njëkohësisht, staticienët korrigjuan rezultatin për tremujorin e parë, nga 1,5% në 1,3%. Si shkaqe për rënien e dinamikës shihen kriza shtetërore e borxheve në eurozonë dhe koniuktura e dobët në SHBA. /bota sot

988 shikime gjithsej, 2 shikime sot

Obama, Sarkozi dhe Merkel diskutojnë krizën e Eurozonës

| Botë, Ekonomi | 7 August 2011

Presidenti i Shteteve të Bashkuara të Amerikës, Barak Obama, ka diskutuar zhvillimet e fundit në Eurozonë së bashku me homologun francez, Nikolas Sarkozi, dhe kancelaren gjermane, Angela Merkel.

Në deklaratën e Shtëpisë së Bardhë thuhet se Obama “ka përshëndetur lidershipin e vazhdueshëm të presidentit Sarkozi dhe të kancelares Merkel në adresimin e sfidave të ekonomisë evropiane”.

Deklarata po ashtu bën të ditur se Obama, në biseda të ndara telefonike, është konsultuar me dy krerët evropianë edhe për situatën në Siri.

Shtëpia e Bardhë nuk ka dhënë hollësi të tjera rreth përmbajtjes së bisedave të Obamës me Sarkozin dhe Merkelin./ bota sot

948 shikime gjithsej, 2 shikime sot

Merkel: Të zbatohen vendimet e samitit të fundit të Euros

| Botë, Ekonomi | 7 August 2011

Si reagim ndaj përkeqësimit të krizës së borxheve dhe turbulencave në tregjet financiare, kancelarja gjermane Angela Merkel kërkoi zbatimin e shpejtë të vendimeve të samitit evropian të 26 korrikut. Pas një serie bisedash telefonike të Merkelit me krerët e shteteve evropiane një zëdhënës në Berlin njoftoi, se për këtë Merkel kishte mbështetjen e të gjithë bashkëbiseduesve. Merkel, e cila aktualisht po kalon pushimet në Tirolin jugor ka telefonuar ndër të tjera me presidentin francez Nikolas Sarkozy dhe kryeministrin italian, Silvio Berlusconi. Po ashtu edhe presidenti amerikan Barack Obama, ishte partner i bisedimeve. / bota sot

948 shikime gjithsej, 1 shikime sot