Mirësevini, vizitor! [ Regjistrohuni | Kyqunirss

Bullgaria mbështet Kosovën lidhur me reciprocitetin

| Ekonomi, Kosovë | 12 August 2011

Zëvendëskryeministrja dhe ministrja e Tregtisë dhe Industrisë Mimoza Kusari-Lila në kuadër të vizitës së saj bërë Bullgarisë, është takuar me Ministrin e Bujqësisë dhe Ushqimit të Bullgarisë Dr. Miroslav Naidenov. Qëllimi i takimit ka qenë thellimi i rrugëve të bashkëpunimit ndërmjet dy vendeve posaçërisht në kuadër të sektorit të produkteve bujqësore pasi Bullgaria konsiderohet si njëri ndër prodhuesit kryesor të produkteve të industrisë ushqimore në rajon, me fokus të veçantë në sektorin e shpeztarisë, grurit dhe produkteve të procesuara ushqimore, thuhet në në kumtesë dërguar medieve mha MTI –ja . “Qeveria e Kosovës është e përkushtuar që të thellojë edhe më tepër bashkëpunimin tregtar në fushën e bujqësisë me të gjitha vendet që kanë kapacitete prodhuese. Kjo vlen posaçërisht në këtë kohë kur kemi vendosur masat e reciprocitetit me Serbinë dhe Bosnjen e Hercegovinën dhe kemi një treg potencial prej 400 milion euro në vit i cili duhet zëvendësuar me produkte të vendeve tjera” – tha Ministrja Kusari Lila gjatë takimit.

“Bullgaria ka përkrahur Kosovën edhe në kohën e shpalljes së pavarësisë dhe e përkrah fuqimisht edhe sa i përket masave të reciprocitetit”, tha Ministri Naidenov. Ai më tej shtoi se “ne kemi kapacitete prodhuese që i tejkalojnë nevojat tona dhe mund të ndihmojmë në plotësimin e kërkesave të Kosovës për produkte të industrisë ushqimore, sidomos me grurë, ku ka sasi të konsiderueshme për eksport”.

Ministrat Kusari-Lila dhe Naidenov diskutuan edhe për mundësitë e investimeve të përbashkëta të bizneseve bullgare dhe atyre kosovare, për shkëmbimin e përvojave dhe teknologjisë, për faktin se Bullgaria si anëtare e re e Bashkimit Evropian ka kaluar nëpër procesin e ristrukturimit të ekonomisë dhe ngritjen e konkurueshmërisë së sektoreve bujqësor, proces ky të cilin Kosova vetëm e ka filluar.

Ministrja Kusari-Lila gjithashtu ka kërkuar që Ministri Naidenov të përcjellë tek Qeveria interesimin e Kosovës për nënshkrimin sa më të shpejtë të Marrëveshjes për Mbrojtje të Investimeve.

Në fund ministrat Kusari-Lila dhe Naidenov u dakorduan që një delegacion i Ministrisë Bullgare të Bujqësisë dhe Ushqimit të vizitojë Kosovën së shpejti për të parë hapat konkret të thellimit të bashkëpunimit./ bota sot

1,078 shikime gjithsej, 1 shikime sot

Normat e kredive në Kosovë mbeten të larta

| Ekonomi, Kosovë | 11 August 2011

ekonomi112

Instituti për Studime të Avancuara – GAP ka publikon raportin e radhës “Bankometri” nga monitorimi i bankave që operojnë në Republikën e Kosovës. Ky është numri i shtatë me radhë dhe viti i tretë që kur është filluar publikimi i këtij produkti të GAP dhe çdo numër ka analizuar aspekte të ndryshme të funksionimit të bankave dhe ambientit afarist në të cilat ato operojnë.

Në numrin e shtatë të “Bankometrit” GAP fokusohet në marrëdhëniet banka – gjykata, të cilat i analizon në dy aspekte: se si jo efikasiteti i gjyqësorit pengon afarizmin e bankave, dhe si bankat nuk respektojnë vendimet ekzekutive përfundimtare të gjykatave.

Në këtë publikim konstatohet se gjatë periudhës 2009-2011, nuk janë vërejtur ndryshime të mëdha të normave kreditore apo produkteve bankare, njofton KosovaLive. Në rastet kur ka pasur ndryshime, ato nuk kanë qenë aq të mëdha sa për të bërë diferencën mes bankave.

“Normat e interesit përcaktohen nga faktorë të shumtë, e ndër themeloret janë stabiliteti ekonomik dhe politik i vendit, e që fatkeqësisht Kosova nuk qëndron në nivelin e kënaqshëm. Qeveria e Kosovës nuk po bën shumë në përmirësimin e gjendjes aktuale.

Një pjesë të fajit e bartin edhe vetë bizneset me ikjen nga tatimet, me çka po kontribuojnë në rritjen e rrezikut kreditor e cila po i mban të larta normat e interesit”, konstatohet në këtë raport.

Instituti GAP vlerëson se normat e kredive mbeten të larta edhe më tutje. Bankat e kanë të vështirë të funksionojnë në një ambient afarist dhe politik i cili nuk respekton ligjet në fuqi dhe gjykatat nuk kryejnë punën e tyre. Por në anën tjetër, edhe bankat kanë shfrytëzuar këtë ambient, duke mos respektuar vendimet e gjykatave.

Marrëdhëniet banka – gjykata mbetet një nga problemet më të mëdha me te cilat përballemi në vazhdimësi. Në shtypin ditor por edhe në forume të ndryshme është diskutuar për atë se si sistemi jo adekuat gjyqësor ndikon në performancën e bankave.

Por edhe bankat ndikojnë në punën, apo efikasitetin e gjykatave. Gjykatat përballen me probleme të shumta në zbatimin e aktgjykimeve drejtuar bankave komerciale dhe institucioneve mikrofinanciare.

Nga ky raport del se Instituti GAP ka vërejtur se vendimet e gjykatave që kërkojnë transferimin e mjeteve nga llogaria e debitorit (borxhliut) në llogarinë e kreditorit (borxh-dhënësit) ekzekutohen rrallë, apo fare, me gjithë faktin që këto vendime te gjykatave janë vendime definitive.

Instituti GAP vlerëson se marrëdhëniet banka – gjykata duhet të përmirësohen. Bankat duhet të respektojnë vendimet e gjykatave, si dhe gjykatat të jenë më efektive në rastet kur kanë të bëjnë me kthimin e kredive apo kolateralin.

Përmirësimi i marrëdhënieve banka – gjykata do ulte rrezikun për kthimin e kredive, e cila më pas do të mund të ndikonte në uljen e normave të interesit të kredive, nga e cila do të përfitonin të gjithë qytetarët.

Institucionet publike nevojiten që t’u krijojnë bankave ambient të përshtatshëm të të bërit biznes. Disa nga fushat ku nevojitet ndërhyrja e menjëhershme e shtetit janë: përmirësimi i sistemit kadastral, fuqizimi i Administratës Tatimore të Kosovës, reformimi i sistemit gjyqësor, etj.

Në anën tjetër, edhe bankat duhet të respektojnë vendimet e institucioneve shtetërore. Bankat duhet të respektojnë vendimet e organeve gjyqësore dhe këtë duhet ta bëjnë sipas udhëzimeve të vendosura nga Banka Qendrore e Kosovës./ koha

977 shikime gjithsej, 2 shikime sot

Musa: Ta shfrytëzojmë reciprocitetin

| Ekonomi, Kosovë | 7 August 2011

ekonomi97

Oda Ekonomike Amerikane si dhe shoqatat tjera të biznesit në Kosovë, qysh moti kanë kërkuar aplikimin e masave reciproke ndaj produkteve që kanë origjinë nga Serbia.

Kosova, në rast se dëshiron të jetë partner i barabartë me shtete tjera në rajon duhet të jetë në gjendje të kontrollojë dhe të shtrijë autoritetin e vet në tërë Kosovën, që ky vend të funksionojë si i treg unik doganor, ka thënë për “Radio Evropa e Lirë”, Lekë Musa, kryetar i Odës Ekonomike Amerikane.

“Vetëm në këtë formë ne do jemi një vend atraktiv për të tërhequr investitorët e huaj”.

Sipas tij, pas aplikimit të masave të reciprocitetit prodhimi vendor ka shënuar ngritje, ndërsa ka rritje të kërkesës së produkteve vendore prej 10 për qind.

“Gjithashtu, në të njëjtën kohë ka një interesim më të theksuar prej investitorëve të huaj”, ka thënë Musa.

Kontrabanda në veri thuhet se i ka kushtuar humbje buxhetit të Kosovës deri në 300 milion euro në vite. Musa thotë se pas marrjes në kontroll të pikave 1 dhe 31, Doganat e Kosovës do të vjelin më shumë tarifa doganore, Ndërsa, efekti tjetër që arrihet është se krijohen kushte të barabarta të të bërit biznes.

Zëvendësimi i produkteve serbe me produktet e vendeve tjera të rajonit Musa thotë se nuk është i kushtueshëm për Kosovën.

“Prodhues të ndryshëm, që kanë marr lëndë të parë nga Serbia, na kanë thënë se pasi që kanë vendosur të zëvendësojnë produktet nga Serbia kanë vërejtur që produktet nga vendet tjera janë me çmime më të ulëta, por edhe nga cilësia janë më të mirë se ato nga Serbia”.

Nëse eventualisht Serbia do të pranonte vulat e Kosovës dhe të largohen masat reciproke, Musa thotë se përfituese do të dal Serbia.

“Ne duhet ta shfrytëzojmë këtë moment që të ngritët baza industriale në Kosovë dhe që një pjesë e mirë e këtyre mallrave të zëvendësohet me mallra të Kosovës”./Telegrafi/

1,045 shikime gjithsej, 1 shikime sot

Banka Ekonomike me bankomatin me të avancuar

| Ekonomi, Kosovë | 7 August 2011

ekonomi96

Banka Ekonomike për herë të parë në tregun kosovar ofron bankomatin me të sofistikuar për të gjithë klientët, ku përveç tërheqjes do të kenë mundësi edhe deponimin e mjeteve.

Ky është shërbimi më i ri që Banka Ekonomike ka lansuar për klientët, duke u përpjekur që t’ju lehtësojë gjithmonë e më shumë qasjen në përditshmërinë bankare.

“Ky shërbim është vetëm vazhdim i synimit të bankës për të ofruar produkte dhe shërbime të reja në tregun bankar”, tha Valon Lluka, drejtor i përgjithshëm në Bankën Ekonomike.

Bankomati i cili mundëson edhe deponimin e mjeteve është i vendosur në Albi Mall, ofron qasje dhe mundësi klientëve për t`i kryer shërbimet e tyre 24 orë. /Telegrafi/

1,078 shikime gjithsej, 1 shikime sot

Kusari: Do të ndëshkohen importuesit e mallrave serbe

| Ekonomi, Kosovë | 7 August 2011

ekonomi94

Kushdo që do të futë mallra serbe nga dita e vendosjes së reciprocitetit do të ndëshkohet ashpër.

Ministrja e tregtisë e Industrisë, Mimoza Kusari, ka paralajmëruar kontrollimin e kompanive brenda Kosovës për të parë nëse ka pasur import të mallrave serbe pas vendosjes së bllokadës.

Gjatë takimit që ajo ka pasur me investitorë gjerman ka deklaruar se tani është mundësia që prodhuesit vendorë të shtojnë kapacitetet prodhuese, të mbulojnë tregun kosovarë e madje edhe të eksportojnë. Pavarësisht se deri tani tregu kosovarë furnizohej në masë të madhe nga Serbia, përfaqësuesit e bizneseve kanë deklaruar se nuk do të ketë asnjë mall i cili do të mungoj në tregun kosovarë./Telegrafi/

1,001 shikime gjithsej, 1 shikime sot

Banka Botërore 4.5 milionë euro për Kosovën

| Ekonomi, Kosovë | 7 August 2011

ekonomi93

Banka Botërore ka ndarë 4.5 milion euro kredi për Kosovën, në kuadër të projektit të fuqizimit të sektorit financiar dhe infrastrukturës së tregut financiar.

Marrëveshja u nënshkrua nga kryeministri i Kosovës, Hashim Thaçi dhe menaxheri i Bankës Botërore për Kosovën, Ranji Nayak.

Kryeministri tha se ky projekt mbështetë strategjinë e Qeverisë së Kosovës për zhvillim të tregut të kapitalit dhe forcimin e stabilitetit të gjithëmbarshëm të sektorit financiar.

Ndërkohë, Nayak tha se objektivat e projektit janë ngritja e stabilitetit dhe zhvillimi i sektorit financiar si dhe fuqizimi i infrastrukturës themelore të tregut të sektorit financiar.

Ky projekt financohet nga IDA Credit me një periudhë 20 vjeçare dhe ‘grejs’ periudhë prej 10 vjetësh. /Telegrafi/

918 shikime gjithsej, 1 shikime sot

Kanale për ujitje në 10 fshatra të Gjakovës

| Ekonomi, Kosovë | 7 August 2011

Qindra metra me kanale për ujitje kanë nisur të ndërtohen nga

Komuna e Gjakovës, përkatësisht Drejtoria për Bujqësi, në rajone të ndryshme të kësa komune, me qëllim të shtimit të prodhimtarisë bujqësore.

Për ndërtimin e këtyre kanaleve Komuna ka ndarë 200 mijë euro, ndërsa në këtë projekt kanë përfituar fshatrat Botushë, Dujakë, Dobrigje, Firajë, Ponoshec, Stubëll, Popoc, Shqiponjë, Smolicë dhe Novosellë.

Kanalet kanë nisur të ndërtohen në ato rajone që janë të pasura me lumenj, por edhe që nuk janë të lidhura me rrjetin e ujitjes në sistemit të Radoniqit.

Ismet Isufi, drejtor për Bujqësi në KK të Gjakovës, tha se ujitja ka qenë një problem në shumë lokalitete, prandaj edhe politikat e Komunës kanë qenë të orientuar në rregullimin e sistemit të ujitjes në këto lokacione. “Komuna në këtë rast ka pasur dy qëllime, sa më shumë toka të ujitura, që shton prodhimin për 4-5 herë, por edhe zvogëlimin e migrimit të qytetarëve”, tha Isufi.

Komuna e Gjakovës, përkatësisht sistemi “Radoniqi” ka zgjidhur problemin e ujitjes në disa rajone, por jo edhe në këto ku po ndërtohen kanalet. Sipas Isufit, ndërtime të tilla në favor të bujqësisë do të bëhen edhe në të ardhmen./ koha

1,348 shikime gjithsej, 1 shikime sot

Masa në mbështetje të komunitetit të biznesit

| Ekonomi, Kosovë | 7 August 2011

OEK-un e vizitoi Ministri i Financave Bedri Hamza. Ne takim me kryetarin e OEK-ut Safet Gerxhaliu dhe komunitetin e biznesit, ku ishin te pranishëm edhe drejtori i ATK-se Behxhet Haliti dhe ai i Doganave Naim Huruglica.

Kryetari i OEK-ut Safet Gërxhaliu e vlerësoi shumë të rëndësishëm takimin që ministri i financave Bedri Hamza zhvilloi sot me komunitetin e biznesit. Gërxhaliu çmoi lartë gatishmërinë e ministrit Hamza për bashkëpunim me komunitetin e biznesit.

“Është një shprese e re qe krahas reciprocitetit i cili ka filluar te implementohet me Serbinë politikat zhvillimore te jene te orientuara ne funksion te zhvillimit sidomos te përkrahjes te sektorit privat dhe te sektorit prodhues. Ajo qe është laboruar sot nga ministri vërtet ka qene një shprese shume e madhe qe dite me te mira po vijnë edhe ne aspektin ekonomik ne përgjithësi ne Kosovë dite me te mira po vijnë për sektorin prodhues dhe me siguri me këto politika do te përmirësohet dukshëm ambienti biznesor ne Kosovë i cili do te ketë efekte pozitive edhe ne aspektin intern edhe në atë ekstern” tha Gërxhaliu.

“Kemi diskutuar për lirimet nga dogana për lendet e para dhe ambalazhin. Kemi diskutuar për lirimet nga pagesa e TVSH për pajisjet kapitale. Kemi biseduar për lirimin ne tatim nga pagesa te korporatave për te gjitha bizneset e reja në vitet e para te afarizmit te tyre varësisht nga niveli i investimeve dhe numri i te punësuarve. Zvogëlimi i kamatave te cilat i aplikojnë institucionet e Kosovës me rastin e vonesave te pagesave nga tatimpaguesit. Lirimi i pagesave për student nga TVSH përshkallëzimi I TVSH lirimi i pajisjeve te teknologjisë informative nga dogana”, theksoi Hamza.

Ministri i Financave foli edhe për reformimin e bordit te pavarur për rishqyrtimin e ankesave. Në të njëjtën kohë ai bëri me dije se është në proces/ koha

1,011 shikime gjithsej, 2 shikime sot

Qeveria synon t’i ulë shpenzimet në paga për vitin 2012

| Ekonomi, Kosovë | 7 August 2011

Shpenzimet e larta në autostradën Morinë-Merdar në masë prej 30 për qind nga buxheti i secilit vit deri më 2013 kanë bërë që Qeveria e Kosovës të mendojë ndryshe sa u përket pagave në sektorin publik dhe shpenzimeve buxhetore në këtë sektor.

Në një letër të firmosur nga kryeministri i Kosovës, Hashim Thaçi, drejtuar ushtruesit të detyrës së menaxherit të Fondit Monetar Ndërkombëtar në Uashington, John Lipsky, është shkruar se viti 2012 do të karakterizohet me shkurtime të mëdha në shpenzimet financiare në mënyrë që Kosova ta fitojë të drejtën për qasje në kredi të Fondit Monetar Ndërkombëtar. Përkundër shkurtimeve në shpenzimet e pagave dhe mëditjeve për pesë muajt e mbetur të vitit 2010 në vlerë prej 10 milionë eurove, Qeveria parasheh që gjatë vitit 2012 të ulë edhe më shumë shpenzimet në paga.

“Për të krijuar hapësirë në buxhet për projektin e autostradës, ne do të vazhdojmë të ushtrojnë përmbajtje në shpenzimet aktuale, me një fokus të veçantë në faturën e pagave”, thuhet në letrën e kryeministrit Thaçi drejtuar krerëve të FMN-së më datën 20 korrik. Gjatë vitit 2011 shpenzimet e tërësishme në paga dhe mëditje sipas buxhetit vjetor kapin vlerën prej 386 milionë eurove. Për 2012-ën sipas buxhetit të sivjetshëm të miratuar në fund të marsit, është paraparë që në paga dhe mëditje të shpenzohen 403 milionë euro. Në bazë të rekomandimeve të FMN-së, kjo vlerë financiare prej 403 milionëve nuk do të mbetet e njëjtë edhe në dokumentin ligjor me shpenzimet për vitin 2012.

Sipas letrës së kryeministrit, po qe se Qeverisë së Kosovës i vjen ngushtë puna në aspektin financiar për financimin e ndërtimit të autostradës Morinë-Merdar, atëherë pretendohet që gjatë vitit 2012 të huazohen mjete financiare nga Fondi i Trustit Pensional, në mënyrë që të krijohet një stabiliteti më i qëndrueshëm financiar. Nëpërmjet kësaj qasjeje, Qeveria ka paraparë që të rifitojë të drejtën për kreditë e FMN-së.

Të enjten, zyrtarë të Ministrisë së Financave i kanë thënë gazetës se Qeveria është duke punuar me përkushtim të lartë t’i përmbushë rekomandimet e FMN-së.

“Jam optimist se do t’i përmbahemi kësaj marrëveshjeje”, ka thënë Muharrem Shahini, zëdhënës në Ministrinë e Financave.

Ndërkohë, dështimi i marrëveshjes “Stand-By” me Fondin Monetar Ndërkombëtar dhe frika për një dështim të ri, ka detyruar ministrin e Financave, Bedri Hamza, të marrë masat paraprake. Ai u ka dërguar letër të gjitha komunave të Kosovës në gjysmën e dytë të muajit qershor me përmbledhje për kufijtë e shpenzimeve që mund t’i bëjnë ato në vitin 2012.

Ministri i Financave u ka thënë atyre se është e nevojshme që të ushtrohet kontroll mbi disa kategori të shpenzimeve në nivelin qendror dhe komunal në mënyrë që Qeveria të arrijë objektivat e dëshiruara të përgjithshme të shpenzimeve që pritet të jenë të dakorduara me FMN-në.

“Kontrolli mbi pagat dhe mëditjet është veçanërisht i rëndësishëm pasi kjo është në fokus të veçantë të FMN-së pas rritjeve të ndjeshme që janë financuar me buxhetin e vitit 2011, duke përfshirë edhe ato të financuara nga grantet e shtuara dhe komunat”, thuhet në letrën e ministrit Hamza.

Në të njëjtin dokument Hamza ka përcaktuar kufijtë për secilën kategori të shpenzimeve në paga dhe mëditje për secilën komunë me orar të plotë të stafit.

“Ka një kërkesë për të zvogëluar madhësinë proporcionale të shpenzimeve rrjedhëse në buxhetin vitit 2012, por shumica e këtyre reduktimeve do të bëhet në nivelin qendror”, thuhet më tej në qarkoren buxhetore për komuna.

Ministri Hamza ua ka bërë me dije edhe drejtorëve të shkollave se mund të bëjnë disa rishikime buxhetore në planin e buxhetit shkollor, por ato duhet të jenë të vogla. / koha

1,161 shikime gjithsej, 1 shikime sot

Reciprociteti solli 2 milionë euro më shumë të hyra

| Ekonomi, Kosovë | 7 August 2011

Zëvëndëskryeministrja e qeverisë së Kosovës, Mimoza Kusari-Lila ka njoftuar kabinetin qeveritar se nga fillimi i masave të reciprocitetit me Serbinë, të hyrat në dogana janë rritur për 2 milionë euro, kjo pasi shumë mallra nga shtetet e tjera kanë hyrë në Kosovë si zëvëndësim për produktet serbe. Ajo po ashtu njoftoi se në pikat kufitare 1 dhe 31 do të lejohet që sot të hyjë një konvoj me ndihma ushqimore prej 75 tonësh. Ndihmat ushqimore, sipas saj, do të lejohen të hyjnë vetëm sot, ndërsa në të ardhmen gjendja do të vlerësohet nga Kryqi i Kuq Ndërkombëtar dhe agjencitë e Kombeve të Bashkuara./ koha

954 shikime gjithsej, 1 shikime sot

Faqja 1 of 212