Mirësevini, vizitor! [ Regjistrohuni | Kyqunirss

BQE: Italia të zbatojë masat e kursimit

| Botë, Ekonomi | 5 September 2011

Banka Qendrore Evropiane (BQE) në Frankfurt ka paralajmëruar Italinë të respektojë deri në fund masat e kursimit.

Në kuadër të vënies në pikëpyetje të aftësisë për kreditim të këtij vendi, është e rëndësishme që Roma të zbatojë programin e kursimeve, tha presidenti i BQE-së, Jean-Claude Trichet në një forum ekonomik të mbajtur në Italinë e Veriut.

Qeveria e Romës prej javësh është përfshirë nga grindjet mbi shkurtimet e shpenzimeve dhe rritjen e taksave për shkak të krizës së borxheve.

Një paketë kursimi në vlerë prej 45,5 miliardë eurosh duhet të miratohet këtë muaj. Ndërkohë kryeministri italian, Silvio Berlusconi ia doli të rrëzonte një ligj të planifikuar për tatimin e të pasurve./bota sot

864 shikime gjithsej, 2 shikime sot

Berluskoni, ndryshime planit të shkurtimeve financiare

| Botë, Ekonomi | 1 September 2011

Kryeministri italian Silvio Berluskoni pranoi t’i bëjë ndryshime planit të shkurtimeve financiare prej 65 miliard dollarësh. Kjo është përpjekja e tretë gjatë disa javëve të fundit për të balancuar buxhetin e vendit.

Plani i ri i njoftuar dje, përfshin masa kundër shmangies së tatimit mbi pronën dhe shtyrjen e daljes në pension për një pjesë të italianëve. Pak hollësi janë njoftuar se si do të funksionojnë këto masa shtrënguese.

Plani i ri nuk përfshin disa propozime të mëparshme që parashikonin shkurtime fondesh për pushtetin vendor. Hiqet gjithashtu propozimi për një taksë të veçantë ndaj njerëzve me të ardhura të larta.

Parlamenti kthehet nga pushimet javën e ardhshme dhe do të fillojë të shqyrtojë propozimet. Senati pritet ta hedhë në votë planin nga mesi i shtatorit./bota sot

796 shikime gjithsej, 1 shikime sot

Itali: Masa të reja për nxjerrjen e vendit nga kriza

| Botë, Ekonomi | 14 August 2011

Në një mbledhje të jashtëzakonshme të mbajtur mbrëmë vonë, qeveria italiane e kryeministrit Berluskoni miratoi një paketë tjetër masash shtrënguese me synim balancimin e buxhetit brenda vitit 2013. Plani synon kursimin e 45 miliardë eurove brenda 2013-s në vit më herët nga sa ishte parashikuar pas paketës së shkurtimeve të rrogave, pensioneve dhe vendeve të punës. Gjatë fjalës së tij, kryeministri Berluskoni i quajti masat si të dhimbshme, por të pashmangshme. Masat e reja “shfuqizojnë” paketën e miratuar në muajin korrik që synonte balancimin e buxhetit brenda 2014-s. Italia është ekonomia më e madhe e eurozonës e prekur nga kriza e borxheve dhe për të shmangur kolapsin e saj ndërhyri edhe Banka Qendrore Europiane që tha se ishte e gatshme të blinte borxhin italian. /koha

974 shikime gjithsej, 1 shikime sot

Qeveria italiane miraton paketën e kursimeve

| Botë, Ekonomi | 13 August 2011

Nën presionin e Bankës Qendrore Evropiane, qeveria e Italisë ka përshpejtuar kursin e kursimeve. Gjatë një takimi të posaçëm, kabineti vendosi për një paketë shkurtimesh të shpenzimeve dhe rritjen e tatimeve në volumin prej 45 miliardë eurosh për dy vitet e ardhshme.

Nga kjo vendi i BE-së i zhytur në borxhe do të paraqesë tashmë në 2013 një buxhet të balancuar, bëri të ditur kryeministri Silvio Berlusconi.

Synimi i tij është që ta shpëtojë Italinë nga sulmet e tregut financiar. Programi i ri do të realizohet përmes një dekreti emergjent.

Përveç kësaj, parlamenti duhet të miratojë masat brenda 60 ditësh. Sipas Bankës kombëtare italiane, shuma totale e borxhit të vendit ndërkaq ka arritur në 1,9 bilionë euro./ bota sot

949 shikime gjithsej, 1 shikime sot

Spiegel: Qeveria gjermane kundër ndihmës për Italinë

| Botë, Ekonomi | 7 August 2011

Sipas informatave të “Spiegel Online” në qeverinë gjermane ka dyshime të konsiderueshme nëse Italia e zhytur thellë në borxhe mund të stabilizohet përmes paketës evropiane të shpëtimit. Ekspertët kanë paralajmëruar se vendet partnere nuk mund të japin garanti për borxhin e përgjithshëm italian prej më shumë se 1,8 bilionë euro. Ekonomia kombëtare italiane është e madhe për tu mbështetur prandaj ajo duhet të jetë në gjendje të ndihmojë vetveten. – Banka Qendrore Evropiane do të këshillohet këtë të dielë nëse ajo do të blejë bonot shtetërore italiane./ bota sot

778 shikime gjithsej, 1 shikime sot

Banka Qendrore Evropiane ndihmon Italinë

| Botë, Ekonomi | 7 August 2011

Banka Qendrore Evropiane do të nisë blerjen e bonove italiane nga e hëna, në këmbim të premtimit të qeverisë për të përshpejtuar uljen e deficitit.

Lajmi u bë i ditur nga ministri italian i Reformave Federale, Umberto Bosi. Ai tha se ky hap është “zgjidhje dhe garanci” për Italinë.

Kryeministri Silvio Berluskoni tha se Italia do të përshpejtojë paketën e masave shtrënguese, të miratuar nga Parlamenti muajin e kaluar, për të siguruar arritjen e bilancit të buxhetit në vitin 2013 dhe jo më 2014, siç ishte parashikuar më herët.

Aksionet e Italisë dhe tregjet e bonove janë goditur rëndë në javët e kaluara, për shkak të shqetësimeve të investitorëve mbi borxhin e saj publik, rritjen e ulët ekonomike dhe tensionet brenda qeverisë./ bota sot

894 shikime gjithsej, 1 shikime sot

Italia vazhdon reformat për luftimin e krizës së borxheve

| Botë, Ekonomi | 7 August 2011

Nën presionin e tregjeve financiare Italia e futur në borxhe ngrit shpejtësinë e reformave. Kryeministri Silvio Berlusconi dhe ministri i Financave Giulio Tremonti, njoftuan se do të përshpejtohen masat e kursimeve në mënyrë që qysh në vitin 2013, pra një vit më herët se ishte planifikuar më parë, të arrihet një buxhet i balancuar shtetëror. Përveç kësaj, parimi i buxhetit të balancuar duhet të përfshihet edhe në kushtetutën e vendit, sqaroi Berlusconi./ bota sot

841 shikime gjithsej, 1 shikime sot