Mirësevini, vizitor! [ Regjistrohuni | Kyqunirss

Serbia merr kredi të mëdha prej FMN-së

| Ekonomi, Rajon | 1 September 2011

Serbia do të marrë kredi të tjera prej Fondit Monetar Ndërkombëtar. Përfaqësia e FMN-së në Beograd tha se Serbia mund të marrë kredi të reja në vlerë prej një miliard euro. Me këto para duhet të shtohet fondi i rezervave për stabilizimin e dinarit, i cili në korrik kishte një vlerë prej rreth 10,4 miliardë euro. Kredia më e re ka për synim edhe rikthimin e besimit të investorëve. Serbia në këtë moment ka probleme me ekonominë e dobët dhe deficitin në buxhetin e shtetit. FMN-ja ka ulur prognozat vjetore për zhvillim në Serbi nga tre në dy për qind, ndërsa prognoza e deficitit buxhetor për këtë vit është rritur në 4,6 %./bota sot

921 shikime gjithsej, 2 shikime sot

Zyrtarë të FMN-së vizitojnë Serbinë

| Ekonomi, Rajon | 23 August 2011

Zyrtarë të qeverisë serbe kanë nisur diskutimet me një delegacion të Fondit Monetar Ndërkombëtarë (FMN), ndërsa kërkojnë një hua tjetër të gatshme në rast nevoje për vendin e tyre.

Kryeministri serb Mirko Cvetkoviç u takua sot në Beograd me një delegacion të kryesuar nga Alber Jaeger. Të dy ranë dakord se një kufizim i rreptë i buxhetit dhe shkurtimi i shpenzimeve në të gjitha nivelet e qeverisjes janë të domosdoshme.

Serbia shpreson të arrijë një marrëveshje për një hua paraprake prej 1,4 miliardë dollarësh.

Delegacioni i FMN-së do të qëndrojë në Serbi deri në 30 gusht.

Bisedimet do të përfshijnë rishikimin e buxhetit të vitit 2011 si dhe një projektbuxhet për vitin 2012./bota sot

888 shikime gjithsej, 3 shikime sot

Serbia do të kërkojë kredi FMN

| Ekonomi, Rajon | 20 August 2011

Zëvendëskryeministri i Serbisë tha se vendi i tij do të kërkojë kredi prej një miliard eurosh nga Fondi Monetar Ndërkombëtar (FMN).

Bozhidar Gjeliq tha se kredia do të jetë një garanci për investitorët e huaj.

Një delegacion i FMN-së po qëndron në Beograd për të negociuar mbi marrëveshjet e kredisë së re.

Negociatat pritet të zgjasin deri në dy javë. Serbia më parë ka marrë kredi prej 3 miliardë eurosh nga FMN-ja, e cila ka përfunduar në muajin prill./bota sot

832 shikime gjithsej, 2 shikime sot