Mirësevini, vizitor! [ Regjistrohuni | Kyqunirss

Rritet punësimi në Shqipëri

| Ekonomi, Shqipëri | 10 September 2011

Tregu i punës në Shqipëri po njeh zhvillime pozitive. Vetëm tetë muajt e parë të vitit 2011 rezultojnë të punësuar 12 mijë persona më shumë krahasuar me fundin e vitit të shkuar duke e çuar nivelin e të punësuarve në vend për tremujorin e dytë të këtij viti në 929 mijë e 513 persona dhe atë të papunësisë në 13.26 %.

Shifër kjo që sipas vlerësimit të Shërbimit Kombëtar të Punësimit ka rënë me 0.26% vetëm për periudhën janar – gusht 2011 aq sa 12 muajt e vitit 2010.

Trendi pozitiv në të cilën po ecën punësimi gjatë gjithë kësaj periudhe në këndvështrimin e ekspertëve vjen si pasojë e ndërmarrjes së politikave lehtësuese për hapjen e bizneseve private qofshin këto sipërmarrje vendase apo të huaja.

Shërbimi Kombëtar i Punësimit vlerëson se kjo rritje e punësimit është shënuar kryesisht në ndërmarrjet e mesme dhe të mëdha që zhvillojnë aktivitetin e tyre në ndërtim, telekomunikacion, hoteleri turizëm, shërbime, të vendosura në pjesën më të madhe në qytetet kryesore apo zonat bregdetare.

Në kushtet kur sipas të dhënave të Qendrës Kombëtare të Regjistrimit 4% e shqiptarëve zotërojnë një biznes, vendosja e kasave fiskale ka nxitur vetë-deklarimin e të vetë-punësuarve gjë që ka bërë të ketë një rritje të këtij numri në të gjithë rajonet e vendit.

Njëkohësisht situata pozitive në punësim gjatë vitit 2011 është pasqyruar edhe në ofertat e mbërritura në Zyrën e Punësimit, ku vetëm tetë muajt e fundit janë shpallur 11.200 të tilla 35% e të cilave janë për vend të reja pune dhe pjesa tjetër për zëvendësime./bota sot

1,813 shikime gjithsej, 1 shikime sot

Tirana më e pasura, e pasur nga Durrësi

| Ekonomi, Shqipëri | 10 September 2011

Instituti i Statistikave të Shqipërisë publikoi dje për herë të parë Prodhimin e Brendshëm Bruto (PBB) sipas prefekturave, një publikim që nxori në pah hendekun e thellë mes Tiranës dhe pjesës tjetër të vendit.

Statistikat tregojnë se Prodhimi i Brendshëm Bruto për frymë në vitin 2009 qe 2728 euro në rang kombëtar. Por Tirana shijon PBB për frymë prej 4126 euro, ose 51 për qind më shumë sesa pjesa tjetër e vendit.

Tirana rezulton 2.2 herë më e pasur se Dibra, 2 herë më e pasur sesa Lezha e Korça, 1.9 herë më e pasur sesa Shkodra, Elbasani e Gjirokastra.

Tirana është edhe 1.6 herë më e pasur sesa Durrësi, i cili është qarku i dytë më i pasur në Shqipëri. Të dhënat e INSTAT janë të vlefshme për vitin 2009.

Për këtë vit, Kukësi rezulton më i pasur nga sa është realisht me PBB për frymë prej 2537 eurosh.

Kjo vjen si pasojë e faktit që në atë kohë në këtë qark po ndërtohej rruga Durrës-Kukës, e cila ka shkaktuar një rritje të përkohshme të prodhimit në veriun e Shqipërisë./bota sot

1,432 shikime gjithsej, 1 shikime sot

Klasifikimi i konkurrencës ekonomike: Shqipëria para SHBA-së (VIDEO)

| Botë, Ekonomi, Shqipëri | 10 September 2011

Në raportin e fundit të Forumit Ekonomik Botëror, Shqipëria dallohet për një rritje të menjëhershme të klasifikimit për disa kategori të ekonomisë. Lidhur me nivelin e konkurueshmërisë, Shqipëria lë pas disa vende të rajonit, ndërkohë që në klasifikimin botëror të zhvillimeve makroekonomike, Shqipëria shkon katër pozicione më lartë se SHBA./bota sot

1,292 shikime gjithsej, 2 shikime sot

Shqipëria heq doganën

| Ekonomi, Kosovë, Shqipëri | 8 September 2011

Foto: Driton Bublaku

Enis Veliu – Heqja e doganës për veturat e reja të importuara në Shqipëri, në këmbim të rritjes së akcizës për karburante, është konsideruar si veprim i mirë, i cili ka mundur të implementohet edhe në Kosovë.

Qeveria e Kosovës para pak kohësh mori vendim që të lejojë futjen e automjeteve të vjetra deri në 10 vjet, duke rritur akcizën, por një vendim i tillë thuajse nuk është reflektuar fare, pasi që numri i qytetarëve që kanë futur vetura më të vjetra është fare i vogël.

Ligji i ri në Shqipëri parasheh që taksat e hequra të mblidhen përmes karburantit.

Logjika e një prej ligjeve më të diskutuara të grupeve të interesit, por dhe Ministrisë së Financave ka të bëjë me dekurajimin e përdorimit të makinave të vjetra.

Ndërkohë që një tjetër synim i ligjit është vendosja në një balancë të drejtë të taksës, që paguhet në bazë të përdorimit që i bën infrastrukturës dhe ndotjes që emetohet në mjedis.

Të dyja taksat, ajo e qarkullimit dhe e regjistrimit, që më herët vileshin nga Drejtoria e Shërbimit të Transportit Rrugor, tashmë janë strukturuar në një të vetme dhe që do të vilet përmes karburantit në mënyrë jo të drejtpërdrejtë.

Me ligjin e vjetër, çdo qytetar që kishte në pronësi një makinë, paguante 7500 lekë për një makinë me benzinë dhe 10 mijë lekë për një makinë me naftë si taksë qarkullimi. Ndërsa taksa e regjistrimit ishte 2400 lekë për të gjitha llojet e veturave. Por, me ligjin e ri këto taksa nuk do të paguhen më.

Ligji i ri përcakton se taksa e qarkullimit mbi benzinën dhe gazoilin caktohet në masën 5 lekë për litër deri më 31.12.2011, pas kësaj date taksa e qarkullimit mbi benzinën dhe gazoilin caktohet në masën 7 lekë për litër. Përfitues nga ligji i ri nuk do të jenë vetëm qytetarët që kanë në pronësi një makinë, por edhe ata që duan të importojnë një të tillë nga jashtë. Kush importon një makinë, nuk do të paguajë më doganë.

Sa më e vjetër të jetë makina, aq më shumë taksë vjetore paguan.

Gjithashtu, paguajnë më shumë makinat me naftë sesa ato me benzinë. Formula e re: shumëzohen cilindrat e makinës me koeficientin e vjetërsisë dhe me taksën fikse për llojin e karburantit. Taksa fikse për llojin e karburantit është 25 lekë për naftën dhe 20 lekë për benzinën. Koeficientet për vjetërsinë për tri vitet e para janë 0, në vitin e katërt është 0.18 dhe rritet me 0.02 për 10 vitet e para.

Më pas, koeficienti rritet me 0.04. Kështu, një makinë e vitit 1996 me naftë dhe me kubaturë 2500 cm3 do të paguajë nga sot 30 mijë lekë në vit, si taksë të makinës së përdorur. Ndërkohë që deri më tash për një makinë të vitit 1996 me naftë paguante 2400 lekë taksë regjistrimi dhe 10 mijë lekë taksë qarkullimi, pra 12400 lekë në vit. Ndërkaq, më ligjin e ri i bie të paguajë 17600 lekë më shumë dhe taksa rritet nga viti në vit.

Ish- ministri i Ekonomisë dhe Financave, Haki Shatri, thotë se zgjatja e viteve për veturat e importuara ka krijuar mundësi që Kosova të mbushet me vetura të këqija, nga të cilat çdo ditë e më shumë po rritet numri i aksidenteve në rrugë.

“Qeveria e Kosovës është dashur të gjejë mënyra tjera për të dekurajuar futjen e veturave të vjetra, e jo të krijojë lehtësira”, tha ai.

Sipas tij, modeli i rritjes së taksës për karburante në Shqipëri është i mirë, i cili ka mundur të zbatohet edhe në vendin tonë./zeri

1,450 shikime gjithsej, 1 shikime sot

Në 8 muaj eksportet arritën në 25 miliardë lekë

| Ekonomi, Shqipëri | 8 September 2011

Në fund të viti shënohet trefishimi ieksporteve në një hark kohor më pak se 6 vjeçar. Kryeministri Berisha njoftoi në mbledhjen e qeverisë se në 8 muajt e parë të këtij viti krahasuar më të njëjtën periudhë të një viti më parë eksportet arritën në 25 miliardë lekë ose në mbi 250 milionë dollarë.

“Rritje e rëndësishme që shpreh dinamizimin e admirueshëm të eksporteve shqiptare. Rritja eksporteve është tregues i rritjes së konkurueshmërisë në ekonomi, të interesit të investitorëve në ekonominë shqiptare. Tregues besnik i rritjes së investime dhe punësimit në Shqipëri. Shoqërohet nga një rritje e ndjeshme e manifakturës, ç’ka është më shumë se çdo gjë tjetër e lidhur me punësimin, shoqërohet me rritje të qëndrueshme të eksporteve bujqësore, dëshmi kjo e një përballjeje të suksesshme të fermerëve shqiptarë me ata të vendeve të tjera dhe prodhimet e tyre.”, tha Kryeministri, Berisha.

Duhet të bëjmë gjithçka tha kryeministri Berisha për të reduktuar edhe me tej burokracitë ndaj biznesit. Pavarësisht propagandës ogurzezë për dëmtimin e bankave dhe kundër rritjes së rrogave e pensioneve, sipas zotit Berisha, modeli ekonomik u dëshmua i qëndrueshëm falë masave që nisen para katër vitesh.

Kryeministri vlerësoi punën e ministrave dhe kërkoi transparencë, në ato që i cilësoi labirintet të demokracisë, sipas një projekti që po përgatit Ministria e Inovacionit, një portal transparent në internet të marrëdhënieve administratë –biznes.

Portali realitet i sukseshëm, në mënyrë që drita të përshkojë burokracinë tonë.

Sipas kryeministrit duhen shtuar përpjekjet sepse kriza e borxhit do të vazhdoje, por duhet kthyher në avantazh kriza që ka kapur fqinjët sipas kryeministrit, dhe kjo sëpari duke krijuara klimën e favorshme për emigrantët që po kthehen në vend./bota sot

1,585 shikime gjithsej, 1 shikime sot

Autostrada Durrës-Kukës me pagesë

| Ekonomi, Shqipëri | 3 September 2011

Rruga Durrës-Kukës nuk do të jetë e vetmja, e cila shumë shpejt do të bëhet me pagesë. Ministri i Transporteve, Sokol Olldashi tha se qeveria ka në plan që kalimi me pagesë të shtrihet edhe në akse të tjera të rëndësishme.

“Gjithmonë e më shumë, modelet veçanërisht evropiane po tentojnë të shkojnë drejt përdorimit të rrugëve për kundrejt një tarife minimale për mirëmbajtjen e tyre. Kështu që edhe ne do të ecim në këtë drejtim ku shkojnë të gjitha vendet që i kanë kaluar të gjitha këto faza”, është shprehur Olldashi në një intervistë për Top Channel.

Investimet në rrugë kanë marrë pjesën e luanit nga taksat e qytetarëve. Sipas të dhënave zyrtare të buxhetit nga viti 2006, shuma totale e parave që kanë shkuar për ndërtimin e rrugëve është 223.5 miliardë lekë ose mbi 2.2 miliardë dollarë.
Olldashi thotë se vitet në vijim kostoja do të lehtësohet, pasi rrjeti rrugor po shkon drejt përfundimit.

“Në përfundim të projekteve që janë tashmë të hapura, ne kemi projekte të hapura që në totalin e tyre shkojnë në një vlerë mbi 500 milionë euro. Shqipëria do të ketë një rrjet rrugor modern. Një pjesë e madhe do të mbarojnë deri në 2013, një pjesë edhe përtej 2013-s”, theksoi ministri Olldashi. /Telegrafi/

1,253 shikime gjithsej, 1 shikime sot

Rriten eksportet bujqësore të Shqipërisë drejt Evropës

| Ekonomi, Shqipëri | 3 September 2011

Deri tani, eksportet e prodhimeve bujqësore të Shqipërisë drejt Evropës, janë shtuar me 40%, krahasuar me një vit më parë.

Gjatë këtij sezoni, prodhimi me bollëk i fruta- perimeve, ka sjellë edhe uljen ndjeshme te çmimit të tyre në tregun vendas.

Gjithashtu, burime nga ministria e Bujqësisë, bëjnë me dije se ulja e çmimit të grurit në bursat ndërkombëtare, do të ndikojë në rënien e çmimit të miellit për këtë vit./bota sot

1,397 shikime gjithsej, 1 shikime sot

Fullani: Ekonomia shqiptare ka vijuar të rritet

| Ekonomi, Shqipëri | 1 September 2011

Harmonizimi i politikave financiare, do të ndihmojë në rritjen ekonomike. Një fakt të tillë e ka pohuar sot gjatë një konference për shtyp, guvernatori i Bankës së Shqipërisë, Ardian Fullani. Sipas tij, është e pandryshuar norma bazë e interesit, prej 5.25%, ndërsa inflacioni në korrik ka qenë në vlerën prej 3.6%. Ndërsa në lidhje me investimet private, ai tha se ato kanë një ecuri të ngadaltë. “Shpenzimet buxhetore janë shtuar me 5.9%, kurse deficiti buxhetor është më i lartë se në vitin 2010. Eksportet tona u zvogëluan. Ndërsa tregjet financiare kanë patur ritme të qeta”, tha kreu i Bankës së Shqipërisë (BSH). Duke folur më tej pas mbledhjes së Këshillit mbikëqyrës të BSH-së, shefi i kësaj të fundit tha se ka një rënie të inflacionit në vend, ndërsa ecuria e çmimit të konsumit, ndodhet nën presionin e rritjes së energjisë.

“Ekonomia shqiptare ka vijuar të rritet. Aktiviteti ekonomik i mbështetur nga sektori publik, ndërsa sektori privat i ekonomisë, i ngadaltë. Sugjerojmë vazhdimësi të rritjes ekonomike, ndërsa presionet inflacioniste pritet të jenë të kontrolluara. Kushtet monetare aktuale janë të përshtatshme, kurse në të ardhmen do rishikohet politika monetare. BSH e angazhuar për zhvillimin e qëndrueshëm dhe masat e marra për krizën greke po japin efekt. Sektori bankar në Shqipëri është solid dhe ai është i gatshëm të japë kredi”, përfundoi Fullani./bota sot

962 shikime gjithsej, 1 shikime sot

Shqipëri: Hartohet buxheti 2012

| Ekonomi, Shqipëri | 1 September 2011

Ministria e Financave të Shqipërisë tashmë e ka të qartë planin e shpërndarjes së fondeve për vitin 2012. Drejtoria e Buxhetit në ministri ka përgatitur paraprakisht tavanet e shpenzimeve, pasi kanë kryer konsultimet me institucionet e tjera.

Mësohet se në shtator do të nisin negociatat kokë më kokë mes ministrit të Financave të Shqipërisë, Ridvan Bode dhe ministrive për buxhetin e ri, ndërsa në tetor do t’i paraqitet Kryeministrit të Shqipërisë, Sali Berisha për miratim.

Paraprakisht, tashmë është vendosur sesa do të marrin ministritë dhe institucionet e tjera të pavarura. Duke i krahasuar me buxhetin e fundit, të ndryshuar në korrik, bie në sy fakti se diferencat nuk janë të mëdha, për të mos thënë gati të njëjta. Kështu, Ministria e Transporteve mendohet se do të marrë nga buxheti rreth 45.8 miliardë lekë, aq sa kishte këtë vit. Për dikasterin e Sokol Olldashit pritej të akordoheshin më shumë fonde, duke pasur parasysh numrin e madh të projekteve, si Rruga e Arbrit apo autostrada Tiranë-Elbasan. Sipas Financave, në planin e investimeve, Ministria e Punëve Publike do të mbështetet kryesisht te financimet e huaja me vlerë rreth 28 miliardë lekë, kurse shpenzimet e brendshme do të jenë 13 miliardë lekë.

Rritje të lehtë të shpenzimeve do të ketë Ministria e Bujqësisë, Ushqimit dhe Mbrojtjes së Konsumatorëve, me rreth 500 milionë lekë, duke ia çuar buxhetin në total afër 7 miliardë lekëve. Kujtojmë se kësaj ministrie iu krye shkurtimi më i madh i fondeve në muajin korrik, me gati 26 për qind.

Tek institucionet e tjera kryesore, vihet re rritje modeste e buxhetit. Institucionit të Presidentit, i cili në 2012-n do të përfshihet nga gara për zgjedhjen e kreut të ri, i janë akorduar fonde me vlerë rreth 166 milionë lekë, ose 1.2 për qind më shumë se buxheti i këtij viti. Rritje të shpenzimeve do të ketë edhe zyra e Kryeministrit me 3.2 për qind.

Ndryshe nga sa pritej, buxheti i Kuvendit propozohet me shkurtime të tjera, pas atyre të vendosura në korrik. Pavarësisht projektit të madh për ndërtimin e Parlamentit të ri, Kryetares Jozefina Topalli i janë akorduar 848 milionë lekë, ose gati 26 për qind më pak nga sa shpenzoi këtë vit. Për Kuvendin priteshin shtesa të konsiderueshme në buxhet duke pasur parasysh vlerën e madhe të investimit prej mbi 10 miliardë lekësh, por Financat kanë vendosur që investimet të mos jenë më shumë se 100 milionë lekë.

Megjithatë, buxheti paraprak i vitit 2012 kërkon të paktën edhe 2 muaj kohë që të marrë formën plotë dhe deri atëherë Kuvendi mund të shfrytëzojë periudhën për realizimin e objektivit.

Për këtë çështje, ministri i Financave, Ridvan Bode, ka lëshuar një udhëzim, më 7 korrik, ku i bën të ditur institucioneve se nuk do ketë shtesa në buxhet në raundin e dytë të diskutimeve që përkojnë në muajin shtator./bota sot

1,538 shikime gjithsej, 2 shikime sot

Rritje e qëndrueshme ekonomike e Shqipërisë

| Ekonomi, Shqipëri | 27 August 2011

Të dhënat e Bankës së Shqipërisë tregojnë për një rritje ekonomike të qëndrueshme në periudhën maj-prill 2011.

Sipas këtyre të dhënave, edhe në periudhën e tremujorit të dytë rritja ekonomike ka qenë e ngjashme me atë të tremujorit të parë, kur bruto prodhimi i brendshëm ishte rritur për 3.4 për qind.

Sipas të dhënave të Bankës Shqiptare, gjatë kësaj periudhe kanë shënuar të gjithë sektorët kryesorë të ekonomisë, por rritja më e madhe është shënuar në sektorin e industrisë dhe atë të shërbimeve./bota sot

1,071 shikime gjithsej, 1 shikime sot

Faqja 1 of 9123456789